Ariannu Cymunedol y Comisiynydd

Mae’r Cynllun Heddlu a Throseddu’n nodi blaenoriaethau’r Comisiynydd ac yn manylu ar sut y byddant yn cael eu cyflenwi.

Drwy gydol y flwyddyn, mae’r Comisiynydd yn cynnig cyfleoedd cyllido ar gyfer prosiectau a gyflenwir gan grwpiau cymunedol, sefydliadau elusennol a chyrff eraill. Mae’r Comisiynydd yn croesawu ceisiadau grant sy’n cyfrannu at gyflenwi blaenoriaethau’r Cynllun Heddlu a Throseddu ac yn gwella ansawdd bywyd ar gyfer trigolion ardal Dyfed-Powys.  

Mae’r Comisiynydd hefyd yn rhoi rhoddion elusennol i sefydliadau sy’n cyflenwi a/neu’n cefnogi gweithgarwch sy’n cadw cymunedau Canolbarth a Gorllewin Cymru’n ddiogel rhag niwed.  

Mae Swyddfa'r Comisiynydd Heddlu a Throseddu yn oedi ceisiadau am gyllid cymunedol ar hyn o bryd, wrth gynnal adolygiad o'r prosesau ariannu.

Cyhoeddir rhagor o wybodaeth yn y flwyddyn newydd, gan gynnwys manylion unrhyw newidiadau a chadarnhad o bryd y bydd ceisiadau am gyllid yn ailagor.

Er mwyn bod yn gymwys i gael arian, rhaid i geisiadau ddangos sut y bydd yn cyfrannu’n uniongyrchol at gyflawni blaenoriaethau’r Cynllun Heddlu a Throseddu.