Arolygon ac Ymgynghoriadau

Medrwch ddweud eich dweud a lleisio'ch barn trwy ein ymgynghoriadau ac arolygon rheolaidd.

Maen nhw’n cynnwys prosesau mae’n rhaid i ni ymgymryd â nhw megis eich holi ynghylch y cynnig blynyddol o ran faint ddylech chi dalu ar gyfer plismona trwy’r dreth gyngor. Cewch gynnig dewis o ddulliau ymateb ar gyfer rhain.

Bydd hefyd modd gweld ymgynghoriadau gan ein partneriaid a sefydliadau eraill ar y tudalen hon.

Arolwg Pobl Ifanc – Llywio Ein Gwasanaethau

Rwy’n ysgrifennu i ofyn am eich cymorth i annog pobl ifanc yn eich ward i gymryd rhan yn ein harolwg Pobl Ifanc – Llywio Ein Gwasanaethau.

Mae’r arolwg byr hwn yn rhoi cyfle i bobl ifanc rannu eu barn ar ein gwasanaethau a helpu i lywio sut y byddwn yn gweithio yn y dyfodol. Mae eu hadborth nhw yn hanfodol er mwyn sicrhau bod ein gwasanaethau ni yn diwallu eu hanghenion a’u blaenoriaethau.

👉 Pobl Ifanc – Llywio Ein Gwasanaethau

Diolch am ein helpu i sicrhau bod lleisiau pobl ifanc yn cael eu clywed.

Galwad Agored am Dystiolaeth
Yn ogystal â’r arolwg, mae gennym Alwad Agored am Dystiolaeth hefyd sy’n gwahodd unrhyw un i rannu mewnwelediadau neu brofiadau am sut mae gwasanaethau trosedd ac ymddygiad gwrthgymdeithasol yn gweithio i bobl ifainc 18–25 oed. Mae’n rhan o waith ehangach CHTh i gasglu barn am yr hyn sy’n gweithio’n dda, beth ellid ei wella, a sut y gall gwasanaethau gefnogi pobl ifainc yn well i aros yn ddiogel ac allan o’r system cyfiawnder troseddol. Gellir cyflwyno tystiolaeth yn ysgrifenedig, yn ddienw neu drwy e-bost erbyn 24 Awst 2025.

📢 Rhagor o wybodaeth a sut i gyflwyno:
E-bost: opcc@dyfed-powys.police.uk
neu ysgrifennwch at:
Comisiynydd Heddlu a Throseddu Dyfed-Powys,
Blwch Post 99, Llangynnwr, Caerfyrddin, SA31 2PF

Diolch am ein helpu i sicrhau bod lleisiau pobl ifainc yn cael eu clywed a bod eu profiadau’n llunio newid gwirioneddol.